كشكول جعفر الخابوري الاسبوعي مايو ٢٠٢٣م

واحد عامل ناصبة بيبيع فيها شاى وبسكويت على طريق سريع بيسترزق منها .
عدى عليه راجل بسيط وقال له نفسي أشرب كوبايه شاى ومش معايا غير ٢ جنيه ..
قالها وهو باصص فى الارض مكسوف ومتوقع الرفض .
. صاحب الناصبة رد عليه : حاضر .
ها أعملك أحلى كوباية شاى وخلى فلوسك معاك .
. صاحب النصبة طلع من عنده أشيك كوباية بيعمل فيها الشاى للزباين الأغنياء ..
الصبي بتاعه قال له ها يشرب الشاى ببلاش وكمان فى كوباية من الكوبايات الغالية .
. رد عليه و قاله : كوبايات الزباين دى بتتحط فى ايدين الناس ..
انما الكوبايه دى ها تتحط بين ايدين ربنا وربنا ليه احلى حاجه عندى

..وعمل للراجل الغلبان كوباية الشاى .
فجأه وقف اتوبيس رحلات ونزل منه اكتر من ٥٠ شخص وطلبوا شاى وخلصوا البسكويت اللى عنده كله .
* * كل ده حصل فى خمس دقايق ..
خمس دقايق فقط تجلت فيهم الانسانيه والعطاء فى انسان بسيط وتعويض ربنا الفورى له ..
جبر الخواطر
طوبي للرحماء لانهم يرحمون