صحيفة نبض الشعب الاسبوعيه رئيس التحرير جعفر الخابوري

اخويا اتجوز حبيبتي
الحلقه الاولى
بقلم هويدا زغلول
شريف _ تتجوز البنت اللي عارف ان بحبها طيب ليه تعمل فيا كده حرام عليك

عماد _هي بتحبني انا وعايزاني انا بصراحه لما فكرت اكلمها عنك قالت عنك ضعيف الشخصيه وعمرها ما تفكر تتجوز واحد زيك ليه ما اخدهاش انا بقى

وقبل ما نبدا الحكايه اعرفكم بنفسي
انا شريف عندي 30 سنه وفي يوم كنت
داخل من البلاكونه واخويا عماد قالي

عماد _ ما تريح نفسك يا ابني وتروح تقولها انك بتحبها وخلصنا بقى بدل اللي بتعمله ده
وبعدها اقعدنا وقولت

شريف _ يا بني انت مش شايف عشتهم
عامله ازاي مينفعش اتكلم دلوقتي علي الاقل
اسافر سنه ولا اتنين وبعدين اجي واخطبها

عماد _ وتعال بقى ان هي في السنه ولا الاثنين دول مش هيكون يتقدم ليه عريس وهي توافق عليه

شريف _والنبي يا عمتي انت عارف ان انا مليش في الكلام ده خالص ما تحاول ان انت تتكلم معاه وتشوفها

عماد _ ماشي يا سيدي ما انا خلفتك ونسيتك ده اللي يشوفك يقول ان انا ابوك مش اخوك المهم انت مسافر امتى

شريف _ خلاص الخميس الجاي بس خليك
معايا علي تلفون دائما وفعلا سافرت
وفي يوم كانت نازله ياسمين من البيت
وعماد واقفها وقال

عماد _ مساء الخير يا استاذ ياسمين معلش انا اسف والله اني بوقفك في الشارع بس كنت عايزه اتكلم معاكي شويه

ياسمين _ خير يا عماد فيه اي

عماد _ بصراحه كده بقي انا عايز اجي
اقابل بابكي لو ينفع يعني ، وفي الوقت ده ياسمين فرحت وقالت

ياسمين _ تمام بابا بيرجع من الشغل
الساعه 4 العصر بعد اذنك وبعدها
طلعت ودخلت الاوضه فرحانه وصحت مريم
اختها

ياسمين _ مريم انتي يا بنت قومي بسرعه عايزه اقولك موضوع مهم شكل شريف بعت اخوه يتكلم مع بابا على موضوعنا

مريم _تاني ياسمين يا بنتي الموضوع ده بقى من دماغك هو ما بيفكرش فيكي

ياسمين _ بقولك وقفني في الشارع وقالي ان هو عايز يقابل بابا وانا قلت لك كم مره انا بلاحظ نظرات شريف ليا فيها اعجاب

مريم _ طيب لما هو كده يا حبيبتي مجاش هو بنفسه واكلمك ليه ليه بعت اخوه يكلمك

ياسمين _ مش عارفه انا اصلا بقالي كم يوم كده مش بشوفه وما اعرفش راح فين
بس عماد قالي أنه جاي ل بابا انهارده

مريم _ خلاص يا خبر بفلوس كمان شويه يبقى بلاش هنعرف هو عايز بابا في ايه سيبيني انام بقى وانتي اللي رجعت ما رحتيش مشوارك ليه

ياسمين _بجد فرحت قوي وقلت لازم اطلع اقولك على اللي حصل انا هروح اكلم ماما
اقولها انهم جاين ، وفي الوقت ده راح
عماد اخويا. وقابل اخو ياسمين
وهي كانت داخله بالصنيه وانصدمت لما
عماد قال

عماد _ بصراحه يا عمي انا معجب بالانسه ياسمين واكون سعيد لو حضرتك وافقت ان انا اتقدم ليها وانا حطيت الصينيه وخرجت بسرعه

الاب _والله يا عماد انتوا ناس محترمه جدا ان كنت انت ولا اخوك

عماد _ وحضرتك عارف ان بابا وماما راحوا كنت عايش انا واخويا شريف في الشقه بس هو سافر دلوقتي انا هوضب شقه ماما وهتجوز فيها

الاب _ على خيره الله يا ابني سيبني بس اتكلم مع ياسمين واعرف رايها ايه وفي الوقت ده انا
دخلت الاوضه ومريم قالت

مريم _ ايه يا بت مالك شكلك عامل كده ليه اوعي تقولي ان هو مش جاي عشان يتقدم

ياسمين _لا جاي عشان يتقدم بس للاسف ده يتقدم لي انا مش يتقدم لاخويا طيب ازاي انا كنت بلاحظ ان هو معجب بيا

مريم _ مش لازم يا ياسمين يكون معجب بيكي ممكن كان عايز يفتحك في موضوع اخوه طيب وانتي رايك ايه عماد باين عليه شخص محترم

ياسمين _اوافق عليه ازاي بس ما انتي عارفه ان انا بحب شريف

مريم _ يا بنتي هو انتي هتغيظيني هو انتي تعرفيها علشان خاطر تحبيه دي نظرات مش اكثر وخليكي مع اللي يحبك بلاش تاخدي اللي بتحبيه

ياسمين _انا مش عارفه افكر خالص مش عارفه اعمل ايه وانا كنت الصبح فرحانه جدا وباين عليا لو جيت دلوقتي وقولتلهم لا بابا هيقول ايه

مريم _ على العموم انتي حياتك وانتي فكري فيها انا مش هقدر اقولك حاجه

وبعدها راح عماد وكلم اخو شريف

عماد _واد يا شريف انا روحت واتكلمت على ياسمين وجت فرحو جدا

شريف _ بجد يا عماد ما تعرفش والله العظيم انت فرحت قلبي ازاي اوعدك انا هشتغل ليل ونهار علشان خاطر تقدر تجيب لي شقه وتوضبها ليا عقبال ما انزل انا عارف ان هتعبك معايا

عماد _طيب ايه يا واد انت ده انت اخويا عيب تقول الكلام ده المهم بس حاول تبقى تبعت ليا فلوس اول باول علشان خاطر اوضح الشقه

وفعلا اشتغلت سنه وكل الفلوس كنت ببعتها
ل عماد علشان يخلص ليا الشقه وكان
بيصور ليا اي توضيب بعمله وفي يوم دخل صاحبي يوسف وقال

يوسف _ ايه يا ابني انت على طول كده بتكلم اخوك خير في ايه ثاني

شريف _ بجد انا مش عارف ان من غير عماد كنت عملت ايه ده خلص لي الشقه كلها وجابلي العفش كمان العفش شكله حلو قوي

يوسف _انا عندي خبر وحش مش عارف اقوله ليك ازاي يا شريف انت مش هينفع تنزل مصر دلوقتي ورانا شغل كتير جدا

شريف _ مع ان كان نفسي انزل بقى واتجوز ياسمين بس يلا ونصيب علشان اعمل فرح كبير يليق بيها

يوسف _ هو انت ليه يا شريف شايف نفسك دايما اقل منها على فكره انت شخص محترم جدا والف بنت تتمناك

شريف _ليك حق تقول كده ما انت ما تعرفش ياسمين اصلا بجد دي شخصيه محترمه اوي
والف واحد يتمنها

يوسف _ طيب مش انت قولت ان اخوك خلاص اتكلم في الحوار ده وهما موافقين على المبدا ان انت تروح وتخطبها طيب ما تاخد رقمها يا ابني وتكلمها

شريف _ والله اتكلمت في الحوار ده كذا مره مع عماد بس بيقولي ان اهلها رافضين وهي كمان ما انا بقولك بنت محترمه قوي

يوسف _ ربنا يكملك على خير يا صاحبي ويفرح قلبك دايما يا رب وننزل القاهره ونعمل احلى فرح

وعدا كام شهر واتجوز عماد من ياسمين ودخلت
البيت وقالها

عماد _ما تعرفيش ياسمين انا فرحان ازاي ان انتي خلاص بقيتي مراتي

ياسمين _ والله وانا كمان مبروك يا عماد

عماد _انا عارف ان الشقه مش قد المقام بس اوعدك اني هاخذ لك شقه كبيره باذن الله

ياسمين _ هو انا عندي سؤال بس ان انا اعرفه ان شغلك ما يجيبش مرتب اللي تعمل به الشقه دي كلها هو انت خلصت الحاجات دي في الوقت القصير ده ازاي

عماد _ اخويا الشريف بصراحه ساعدني كتير وكان دايما بيحول لي فلوس بس هو اخويا الوحيد يعني ربنا يخلينا لبعض

ياسمين _ هو باين عليه جدع بصراحه

عماد _ بصراحه هو جدعه بس الحاجه الوحيده اللي كانت غلط بالنسبه لي انه كان دايما بيقولها ليا انك مش هتنفعني كان شايفك انسانه مغروره ومتنكه بس انا كنت شايفك على حقيقتك انسان طيبه جدا

ياسمين _ شكرا ليك يا عماد طيب ممكن اود عشان ادخل اغير هدومي ،. بعدها دخلت ياسمين وقالت
معقول انا كنت شايفاك اعظم واحد في الدنيا وانت كنت شايفني انسانه تنكه ومغروره ربنا يسامحك يا شريف بعدها بكام يوم راحت مريم
عندهم. كانت وافقه في المطبخ

مريم _مالك يا ياسمين انا ملاحظه انك على طول ساكته مش بتتكلمي هو في حاجه حصلت ولا ايه

ياسمين _ مش هكذب عليكي مش شايفه حياتي مع عماد انا كنت متخيله ان هدخل الشقه دي بس هكون مرات شريف مش مرات عماد

مريم _ وطي صوتك يا بنتي انت اذا حد يسمعك ولا ايه مش قولتلك خلاص شيلي بقى من دماغك

ياسمين _ مش عارفه والله اطلعه من دماغي وكمان في حاجات غريبه جدا بتحصل لما شريف بيتصل لازم عماد ياخد التليفون ويدخل اوضه الاطفال ويقفل على نفسه ما اعرفش ليه
تخيلي لحد دلوقتي مش بارك ليا عالجواز

مريم _ والله هو حر هو واخوه وانت ما لكيش دعوه خليكي في حياتك بقى يلا هاتي الاكل وتعالي ورايا

ياسمين _ ماشي وبليل كانت ياسمين قاعده
مع عماد وانا اتصلت

ياسمين _ تليفون عمال يرن هو انت مش هترد على اخوك ولا ايه

عماد _ لا مش وقته المفروض يعرف ان في مواعيد يتصل فيها ما ينفعش يتصل في وقت ازاي ده

ياسمين _ بس انت عارف ان في فرق ساعات ما بينا وما بينه وبعدين هو اي اللي حصل مانت
كنت كويس مع اخوك ، وفي الوقت ده قام
واتعصب وقال

عماد _ هو في ايه بالظبط اخوك اخوك هو البيت ده ما بقاش يتذاكر في حاجه لشريف ولا ايه

ياسمين _ هو في ايه عماد انت من امتى بتكلمني بالطريقه اللي انت بتتكلم بيها دي انت حر انت واخوك وانا مش هتكلم في حاجه تاني تخصكم وبعدها دخلت الاوضه
وتاني يوم عماد راح الشغل وجت مريم

ياسمين _ والله كويس ان انت جيتي انا قاعده مخنوقه جدا وبجد ما فيش حاجه في التلفزيون واتفرج عليها

مريم _ بصراحه وانا بكره هاجي البيت ده عشان معندكيش واي فاي والباقه بتخلص بسرعه ما تدخلي يا بنتي الواي فاي

ياسمين _ والله اتكلمت كذا مره في الموضوع ده بس مش عارفه ليه عماد مش عايز يدخل تليفون ارضي

مريم _ بجد صعب ان جوزك ده غريب جدا وبيعمل حاجات غريبه

ياسمين _ بقولك ايه انا ليه ميعاد عند الدكتور انهارده عايزاكي تيجي معايا مش عارفه ليه حاسه اليومين دول ان دايخه ببقى عايزه ارجع شكلي واخده برد

مريم _ لوللوي برد اي شكلك حامل
هبقى خالتو بسرعه قوي كده الف الف مبروك يا حبيبتي

ياسمين _ لا مش معقوله بسرعه كده طيب يلا بينا تعالي نروح للدكتوره وفعلا راحوا ولما
رجعت كان عماد قاعد متعصب وقام وقف وقال

عماد _هو انت كنت فين يا ست هانم وازاي قافله تليفونك لحد دلوقتي انا اتصلت بيكي كثير مش بتردي عليا ليه

ياسمين _ ما انا قايله ليكي من امبارح ان انا حاجزه عند الدكتوره من قبل ما تحصل مشكله ما بيني وما بينك وكنت عندها ولسه راجعه انا ومريم وتليفوني فصل مني شحن

عماد _ تمام والدكتوره قالتلك ايه بقى

ياسمين _قالتلي ان انا حامل وانا عايزه اعرف يا عماد انت ليه اسلوبك اتغير معايا بالطريقه دي
وفي الوقت ده فرح وقال

عماد _ حامل بجد الف الف مبروك يا حبيبتي والله ما تعرفيش انتي فرحتيني زي الخبر السعيد ده

ياسمين _الله يبارك فيك يا عماد

عماد _ بصي انا عايزك ترتاحي بقى ما تعمليش اي مجهود واي حاجه عايزاها في شقه لان انا اعملهالك بجد انا كان نفسي قوي اكون اب
بوصي اقعدي وانا هعمل انا الاكل

وبعدها دخل وجرس الباب رن

عماد _ معلش يا ياسمين شوفي مين اللي على الباب

ياسمين _ دي اكيد مريم هي قالت طالعه لماما وهتنزلي على طول وفتحت الباب. وكنت أنا. اول
لما شوفتها فرحت وقولت

شريف _ معقول يا ياسمين انتي موجوده هنا اكيد بترتبي الشقه مش كده اي المفاجاه
الحلوه دي

ولحد هنا تكون خلصت حلقتنا